منتديات بعد حيي - عرض مشاركة واحدة

معرض الوسام · 11-21-2013, 09:35 PM

يالهاجس اللي جيت ما جبتلي خير *** وراك تذكرني وأنا عنْك سالي

ماكنت في بالى هجوس وتفاكير *** غايب ومن غيبتك مرتاح بالي

إلين مانسنس هوى غربي عصير *** واللي طرالي ليت ماهو طرالي

عشقن تعثر دون وصله مقادير *** شرّق وأنا مازلت يم الشمالي

هذاك والله غير ومحبته غير *** أول غرامن ماتقفاه تالي

ياليت قلبي ينقلب طير ويطير *** لا مرته ذكرى عزيزن وغالي

عانيت من بخل الأمل كل تقصير *** وانا أتمنى مقبلات الليالي

على أمل يمكن مع الوقت ويصير *** وتشوف الأقصى يجتمع بالموالي

وتزهر فياضن أجدبت بالنواويير *** بين الحنايا والضلوع الهزالي

واقول لاعادت علينا مشاويير *** ولاعادت آيام الفراق الخوالي

أغليه لوما ساق يمى معاذير *** ولو مانشد عنّي وعن كيف حالي

بأموت عندي لي مكانه وتقدير *** في خافقن بعده من الحب خالي

ياليت لامنّه ذكرنى على خير *** يقول ماغيره من الناس غالي

ودي للجميع