انا اسمي خالد وعمري 20 ، اعزب
عندي اخ واخت اصغر مني (اخواني من ابوي وامي)
وعندي 8 اخوان اكبر مني (اخوان من ابوي)
الرؤيا:
رأيت اني كنت جالس بمجلس قريتنا اشوف لتلفزيون وكنت اغير القنوات ووقفت على قناة كانت تبث مباشره وكان برنامج عن استخراج الكنوز او الاثار
وكانوا يستخرجون الكنز او الاثار في بث مباشر, فعرفت مكانهم , فهذا المكان الذي يستخرجون منه الكنز بنفس قريتنا واعرفه
فطفيت التلفزون ورحت على رجولي الى المكان وفعلا وجدت اللي يصور واللي يحفر الكنز بالمعدّه(اله الحفر)
وجيت عنده وجلست اتفرج عليه وهم يصورون مباشر وبعد شوي جانا اخوي احمد وهو اصغر مني بسنه واختي الصغيره اصغر مني بثلاث سنين او اربع، اسمها جميله
وكان الحفار يحفر واخوي الصغير يتكلم مع صاحب الشغل (صاحب الكنز)
واثناء كلام اخوي مع صاحب الشغل انا شفت بنفس الحفره صندوق طالع طرف منه وسكتت
وفجأه قال اخوي: الكنز الصندوق
وصاحب الحفار وصاحب الكنز وقفوا شغل وطلعوا الصندوق وفتحوه وانا اشوف لهم وطلع الموجود داخله قطع صغيره مثل الحجر الملون وبعض الفناجيل من الحجر
وقال لي انت خذ هذي القطعه لك وانا انبسطت من اللي اخذت
وفجأه طلع من الجبل اللي قريب من موقعنا طلع فرس او خيل لونه اسود بأزرق، صغير الجناحين وكان يخرج منه صوت قوي يخوف وانا هربت انا واخوي واختي ومعي القطعه وخفت عليها وانا اركض للبيت بسرعه تذكرت اختي انها اخرنا ووقفت انتظرها واخوي كان خلفي وفجأه الا واشوف الفرس يقفز من مكان الى مكان وانا خفت وصعدت الجبل من الخوف وانا اجري في الجبل ابي اختبي الا واشوف الفرس قدامي واقف
وخفت ونطق الفرس وقال : الكنز هذا لك كله وانا مرسول لك واذا تبي اي شي اسويه لك .
ف قلت له ابيك تنزلني الى الارض ونزلني وقلت له وصلني انا و اخوي واختي للبيت وركبنا فوق ظهره واوصلنا بسرعه خياليه وانزلنا .
الصندوق او الكنز كان يسوى الكثير من المال
انتهت الرؤيا