بسم الله الرحمن الرحيم

من يقطع الاعناق ياعتق الاعناق
ماتعني الاقدار من لا عني به

في قدرتك سلطه بكفين واحداق
وراية هدايه يهتدىٰ واهتدي به

تحت القناء عوج الرهايف علىٰ ساق
خضراء الجرايد من مهابه وهيبه

لولا ه مافك الحّلق كل مسباق
تبقى العجايب فوق وكر العجيبه

ماصارات الاشراف بضَعَات مسواق
ولا علق الشارات دراق غيبه

لاكن على ماقيل للبرد مشراق
والظل ظل الي يظلل بغيبه

مادامت الهفوه مهي ساس واعراق
سوداه في وجه السبايب وعيبه

وقريش مادامت تقلقل ب الاشداق
اترك لها مكه وهاجر لطيبه

يامكثر اليمات للرِجِل والساق
وكلن له المقسوم كور ونجيبه

بعض السنابل لو حناء ثقلها الساق
محصول زراع المصايب مصيبه

اهل القلوب البيض نيات واخلاق
ودايم هم الي يدفعون الظريبه

لو تصدح الابواق بافواه الابواق
ماتجرح الخاطر ولا هي غريبه

ياما جزاء الوافين طلقه وتفاق
ماحدن حفر قبره ولا له نصيبه

وسلالة اهل البوق من صلب بواق
يامكثر الامثال يوم تحكي به

الانكري لوهو ثنادي ومعلا ق
لو طاب صقاره تنكر لطيبه

راس الوفاء يوم انفعل حق واحِقاق
طيبة هل السنه بالاحبار خيبه

قرِن الرواسي عقب طلسات الانفاق
قامت تمعير بالحساس الصليبه

ماوحيت رعادن ولا خلت براق
ولا عفت صافيها وابي اثني سريبه

لو الخصايل سلعةٍ وسط الاسواق
راحت على روس الرجال ونصيبه

واللول لوما قوقعانه بالاعماق
تلقاه كلٍ ينقله وسط جيبه

وكلن شقاوي عند روحه وشواق
وانفس بني ادم طيورن ربيبه

للشاعر / متعب بن فارس بن طواله