|
ظل السحاب... داله انا من قبل قصة ( كذا بيت )..!
[align=center][tabletext="width:90%;background-color:white;"][cell="filter:;"][align=center]
رائعة استاذي وشاعري ظل السحاب
شديت ظهر احصان شعري وسميت
من بعدها امطر بروضي سمايا
واخترت من جزل المعاني كذا بيت
واسندتها للي طراء في هوايا
يابندر الساكت انا اليوم مريت
في موقعاً شب القضاء في حشايا
ذكرت من ماضي سنيني وهليت
دمعاً يزود من همومي عنايا
واخفيت جمرة دمعتي ثم صديت
اخشى الآم بهرج مبغض ورايا
وحطيت في فمي بهامي وعضيت
وروضت فكري لا يبين خفايا
والمسأله ذكرى ترى حيها ميت
والميت حي وكن يمشي معايا
وغنيت من هاجوس قلبي وناديت
بسمك واقول النار تاكل حشايا
***
استاذني وشاعري ظل السحاب
تقبل هذه الابيات المتواضعه والتي لن ولا ترتقي لجميل طرحك ولكن مشاطره لا اكثر
داله انا من قبل قصة ( كذا بيت )
الله يثيبك يا مليح السجايا
يا مليح لامن قلت ولهمك ابديت
همي بجوفي يشتكي من اسايا
شرحك سرا ياما سهرت وتعنيت
يا مليح انا يا خوك هذا بلايا
ما تنفع الذكرى إذا جيت واقفيت
ذكرى من فراقٍ وذكرى منايا
ياللي على الذكرى بكيت وتغنيت
مالوم عينك لو تسوي سوايا
ابكيت من دمعك عيوني .. وبكيت
انته وانا نطلب دواك ودوايا
الخافي اعظم لو شكيت وتشكيت
غنوا بحزني يا جميع البرايا
وهذا انا من قصة البيت والبيت
وظل السحاب اليوم يبكي ( معايا )
وسلامة نواظركم وقلوبكم
تحيتي ... [/align][/cell][/tabletext][/align]
|