بسم الله الرحمن الرحيم
الشاعر\ مشعل عسام التريباني الشمري
((الجسامه للابل والبسامه للحريم))7\7\1435هـ

الجســـــــامه للابل والبســــامه للحريم(1)والـــــرجال بفعلها والردى طبع الرخـــوم

والذكا للاذكيا والغشــامـــه للغشـــــــيم(2)والصخا لاهل الصخا والردي منه محروم

والكـــــــــرم لاهل الكرم والتمرّد للئيم(3)والوفا لاهل الوفا والقــــرامـــــه للقــــروم

والدنائه للـــدنـــي والعظــايم للعـــــظيم(4)والعظيم اللي عن الهسات والهزله يشــوم

والتكـــبرللضعيف وللحقــير وللســــقيم(5)والكبرسيرت حثالات البشروانت محشوم

وافضل الاخلاق عندالله تره خلق الحليم(6)واقبح الاخـلاق خلق الجاحد النذل الظلوم

وخير خلق الله مــــن بشربمسكان النعيم(7)وشــــرخلق الله رجلن مهنته نتف اللحوم

دوّرالحكــمه وتلقامن الحــكم عـند الحكيم(8)وكان تبغا الراي عنداللي يسدون اللزوم

واخـــــتلاف الراي عندالعرب غبّه وخيم(9)واجــتماع الراي يرفع قـــــويين العزوم

والغبـــــي تلقاه دايم علــــــى وجهه يهيم(10)لين يصبح يوم تلقاه بالخشـــــم مخزوم

نجري يونسني إلى دنّق الهلـــبــــــاج = احب صوته حب محدن يشككـــبـــــه

ياحلو صوته يوم جوك الرجال افــواج = على جال نارك وازرق الهيل يفركبـه

وشلون صوت النجر به للرجال ازعاج = كلامن خطا والي عطا العلم غركبـه

انا اقول صوته في خلايا الدماغ علاج = تصحي خلايا الراس يقام يدبكبــــه


مقطع من قصيده لي بالنجر