منتديات بعد حيي - عرض مشاركة واحدة

معرض الوسام · 05-08-2014, 12:40 PM

السلام عليكم ورحمة الله وبركاته

[poem=font="simplified arabic,5,burlywood,bold,italic" bkcolor="black" bkimage="" border="double,4,burlywood" type=1 line=0 align=center use=ex num="0,black""]
اليوم ظهره غير واطلالته غير=والواضح انه غير حضرة جنابه
شمسه بدت مافتحت له نواوير=والفي والرمضا بحضنه تشابه
سحايبه تقبل بليا تباشير =وعواصفه تضرب ولا احدِ درى به
بالمختصر لاصبح لاظهر لاعصير=اطول دقايق شفت تنضح رتابه
ياصاحبي لو انها بك مخاسير=بقولها من باب رد الأجابه
اقبل ظلام البعد تصبح على خير=شوي شمس القرب تعلن غيابه
آخر مواعيد الغلا والمشاوير=وأول دروب البهذله والكآبه
الى متى تخطي وانا اقبل معاذير=ونفس الخطى ترجع تعيد ارتكابه
والله لو انك تملك بنوك تبرير=من جاء يبي بعدك عذر مالقا به
بالكذب لك مصنع اعادة وتدوير=يرسم على الباطل ملامح اصابه
ظنك تمشيها على الكل وتصير =بعيونهم رمز الذكاء والذرابه
لكن تراني غير يابو الدنانير=لاتعتبرني ضمن صف الغلابه
انا عقاب ان كان عرفك عصافير=افج بالجنحان صدر السحابه
اجابه التيار باصرار واطير=واسمو الى حيث السعه والرحابه
واسكن قمم في عاليات المشاهير=لو كان غيري تهتويه الخرابه
اهلك ضما وانا على النبع لاضير=ولا اشرب منه ان كان غيري وطا به

[/poem]

بدر الشمري