[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]

من قديمي


خداع مستهتر بناسٍ يحبون
تلعب على الحبلين مشين طبوعك

كل وحدةٍ تضحك لها وأنت ممنون
أمرك ظهر ما بعد كمل سبوعك

كويتني بالقلب كيٍ على الهون
حديتني جعل الليالي تروعك

اضحك وبالدمعه عيوني يهلون
يا جعل ما هو صاع قلبي يصوعك

للخافق المجروح ما يوم ترعون
والقلب لك مخلص وماشي بطوعك

الناس واجد والمحبين يشكون
وأنا سهيرة ليل وارجي طلوعك

أرجوك تنسى ماضيٍ فيه ترجون
ما عاد أنا مشتاق ما ابغى رجوعك

دفنت حبك ما بي الناس يدرون
واطفيت شعلة ما بقى من شموعك

قلبي لقى غيرك من الناس يشرون
وطيفك طردته يا معلي خضوعك





شعر /الملتاعة[/ALIGN][/CELL][/TABLETEXT][/ALIGN]