[poem=font="simplified arabic,5,silver,bold,italic" bkcolor="black" bkimage="" border="none,4,gray" type=1 line=0 align=center use=ex num="0,black""] قال وش تكتب على سور المدينه =قلت ابكتب هالمدينه من ورثها
ومنهم الي كانوا اول ساكنينه=واختلط طوب المدينه مع جثثها
ومنهو الي بدمها لطّخ يدينه=دون رحمه سم نابه به نفثها
ومنهو اللي بالخفاء قطّع وتينه=لين كل اطرافها طاله عبثها
قال بس وقلت ابسأل هالحزينه=علّي اطفي من عنا النفس ولهثها
يالمدينه هالملامح تذكرينه=او من الذكرى شقى الوقت اجتثثها
يالمدينه شاعرك لاتنكرينه=شاعرٍ ياما بك النشوه بعثها
كان لااغطش ليل همك يالمدينه=واستباح الخوف دنياك ونكثها
وانزويتي وانكسرتي كـ [السجينه]=وصرختك ترحل ولااحدٍ يكترثها
صار هو هادي وصرتي به سفينه=يحملك عن واطي القاع وخبثها
تعتلين وكل حزنك تدفنينه=في غياهب قاع غيرك ماحرثها
كان يعبر فيك وانتي تعبرينه= عاش يومه والمقاصد مابحثها
ساكنك والواقع انتي تسكنينه= ياخساره مات بك وآخر ورثها
[/poem]

احترامي