[poem=font="simplified arabic,7,black,bold,normal" bkcolor="white" bkimage="" border="double,9,black" type=2 line=0 align=center use=ex num="0,black""]
البـشـرتـتـبـع كثـيـريـن الـحــلال=شيّـخوهـم والضـعـيّـف هـمّـشــوه
لـو كثـيـر الـمـال مايـسـوى ريــال=طبّـلـوا خـلـف الـثـري وشـيّـخـوه
انظرالشـاشـات واسـمـع مايـقـال=كــل خـبـلٍ للخـضـيـراء طـيّــروه
وعرضـوا خلفـه وطشـوا بالعقـال=واجحفـوا لـه بالمديـح وطيّـشـوه
وانتفخ راس الضعيّف واستشـال=وفصّلـوا لـه ثــوب نـمـر ولبّـسـوه
وقالـوا انـه مـن كريميـن السـبـال=شيختـه مبطـي علـى جـده وابـوه
وصـدّق انـه شيـخ مافيهـا جـدال=وحطوا اسمه شيخ شمل وبروزوه
وعـلّـق الـصـوره وبـروزهـا وقــال=حطـوا اسمـي بالسـجـل وعلّـقـوه
وصيـروه هـديـب شـيـال الثـقـال=مـارفـي تــاج الزعـامـه دهـــوروه
وانا اقول امدح علـى قـد الفعـال=كــل طـيّـب فــي فعـولـه بـيـنـوه
ماركلـمـة شـيـخ صعـبـه يـارجـال=جـنـبـوا ثـــوب الـعـريـه جـنـبـوه
كيف تلبس ثـوب وكمومـه طـوال=مايـفـيـدك ملـبـسـه لـــو كــبــروه
مازهَـى شيـل الثقـال الا الجـمـال=علـمـوا شـيـخ الـدراهــم عـلـمـوه
الشجـر ياجـاه صلـف الريـح مـال=ينـثـنـي لـلـريـح لـوهــم عــدّلــوه
والـعـواصـف مـايـهـزن الـجـبــال=راسـيٍ ظلـع الهَـدَى مـا زحـزحـوه
[/poem]

مشعل عسام الغافل التريباني الشمري

نجري يونسني إلى دنّق الهلـــبــــــاج = احب صوته حب محدن يشككـــبـــــه

ياحلو صوته يوم جوك الرجال افــواج = على جال نارك وازرق الهيل يفركبـه

وشلون صوت النجر به للرجال ازعاج = كلامن خطا والي عطا العلم غركبـه

انا اقول صوته في خلايا الدماغ علاج = تصحي خلايا الراس يقام يدبكبــــه


مقطع من قصيده لي بالنجر