ابيات مداعبه مع اخوي الغالي
ابوطراد يوم طلع على السلم وطاح كتبت هذه الابيات به

[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""]
يابوطراد السلالم لاتغر بشها=وش عرّفك للسلالم منت واياها

دنياك هذي تعجز لاتقارشها=قبلي وقبلك رجالٍ هانت لحاها

لكن خل السلالم لا تبلشها=ترها تعجزك لو انك تحداها

اجمع حوايجك بالغرفه وخشخشها=وفي كل فتره اليامن جيت تلقاها

وسلالمك ودها للسوق واقرشها=بعها على عاملٍ يفهم نواياها

واترك طوال السلالم لاتقر وشها=خله لناسن تقمّز يوم ترقاها

وسجادتك حطها بالقاع وافرشها=واترك صعود السلالم لاتبلواها

اسحب على زخرف الدنياوهمشها=زخارف الوقت ماتصفي نواياها

واحذر وجيه الليالي لاتخمّشها=تتعبك جرد الليالي لو تحداها

ترا خيول الزمن ماحدن يحارشها=قدامنا داسة الشجعان بحذاها[/poem]


(((مشعل عسام الغافل التريباني)))

نجري يونسني إلى دنّق الهلـــبــــــاج = احب صوته حب محدن يشككـــبـــــه

ياحلو صوته يوم جوك الرجال افــواج = على جال نارك وازرق الهيل يفركبـه

وشلون صوت النجر به للرجال ازعاج = كلامن خطا والي عطا العلم غركبـه

انا اقول صوته في خلايا الدماغ علاج = تصحي خلايا الراس يقام يدبكبــــه


مقطع من قصيده لي بالنجر