ألا يا صاحبي قلبي وكيف من الوله يرتاح=وانا العاشق وانا المغرم رجيت الله يفرجها
تمنيت الامل يصبح زهور وعطرها فواح=واشد خيول قيفاني من الأفراح واسرجها
نبت في طينة الخافق نبق واشواكها مذباح=سكاكين الألم صارت بليل الصمت مدرجها
تهنى الخلق بالنومه وانا ساهر منب مرتاح=واخيط الليل مع ليله مناة الصبح يمرجها
وادور للأمل شمعه ودور للصبر مفتاح=تضيق وضيقتي سفينه بجوف الصدر معرجها
توارت عن عيون الخلق ظنو عايش ومرتاح=وانا مثل الطيور اللي عشان الذبح مخرجها
فكيف الحال مع صبري اذا صار الأمل مفتاح=(1)نبق واشواكها تذبح جروح القلب تبرجها