يامدور الـزلات .. وشفيك محتاس
‏من لبوة(ن) .. مرباه وسط العريني

‏بيض النقا تاجي احطه على الراس
‏ لن الشرف موجود ياضي بجبيني

قلبك ضعيف وساكنن فيه وسواس
والفرق واضـح بين شخصك وبيني

حيثك شبيه أبليس غاوي وخناس
هرجك رخيص ودوم هرجي ثميني

أنا ادور الطيب والطيب لي ساس
وتقـواي ذكـر الله مثبـت يقيـني

القاف يجذبني مع صدق الاحساس
وتمطر بنات الفـكر هـرج (ن)ثميني

ماهمني حقد(ن) تخبيه الانجاس
خذيت "قـو "العـزم من والدينـي

وان جتني طعنة قفى منك لاباس
ماشفت انا شرواك في وسط عيني
خطر عراك الاديب الشمري
الملقبة بالشمرية المجهوله