|
القلب باقي يحبك .
[poem=font="simplified arabic,7,white,bold,normal" bkcolor="darkblue" bkimage="" border="double,10,darkblue" type=2 line=0 align=center use=ex num="0,black""] عطيتك الحب يوم الغير شح وخذا = وارخصت دمعي لشوفك يوم غيري سلاك
عطيتك العمر يوم اثمار زهره جنا = يوم المشاعر ألفه في يميني وراك
صبرت لجل الغلا لجلك ولجل الوفا = لجلي ولجل الهجوس اللي تسابق خطاك
صبرت من حشمة الدمعه وذل العطا = صبرت وايقنت صبري جنته في رضاك
صبرت صبر العليل اللي رجاه الشفا = اللي عطا من حياته لجل هذا وذاك
همي غدابي وجرحي للاسف مابرا = والصبر علقم وذوقني مرارة عطاك
تذكر حبيبي ليال الحب ويا الصفا = يوم الوله والغلا والخوف والارتباك
يومي اضمك على صدري بشوق وغلا= وتقول ياغاليه جعل العرب من فداك
تذكر ورودك وبسماتك وكلمة هلا = لاشفتني مقبله زان الهوى في فضاك
تذكر يدينك ليا من شفت دمعي دنا = يزهر على آثارها خدي وينبت غلاك
حتى يدينك ليا ضمت يديني عنا = تبري جروحك ليا شح الزمن في لقاك
تذكر زعلنا فرحنا كل شيً بنا = همساتنا ضحكنا حلو السوالف معاك
تذكر وتذكر وتذكر يوم كنا سوا = اليوم هذي ثمان سنين ماذكر سواك
عطيتني من صفا حبك وجل العطا = وعودتني ارتجي طيفك ليا ظلم سماك
ذيبن بجوفي على طاري غيابك عوى = يرعى خفوقي كما ترعى ذنوبي حشاك
فرقاك قسمة بعمري انكتب والبلا = القلب باقي يحبك والوله مانسااااك[/poem]
كلمات الشاعرة المبدعة
[blink]قمـرا ســـماه[/blink]
|