السلام عليكم ورحمة الله وبركاته


نقلتها لروعتها

القمر بالوجه والبحر بعيونه
والعسل والتوت من ريقه الحالي

ياحلا توته ويازين ليمونه
لاطرى لي مبسمه جاني اهبالي

شفت زينه والعرب مايشوفونه
من جماله طير البيض من بالي

وش حلاة العطر لافاح بردونه
ريح عطره بالبلد ماله امثالي

لامشى خطوه قصيره وموزونه
كنها اللي نازله من درج عالي

ياحلو دله ومشيه على هونه
لامشى كنه على المشي يحتالي

كل ماناظرت طرقى ومزيونه
ينقصن عنها على كل الاحوالي

ومن جمال اعطاه ربه تحسدون
جعلكم يالحاسده مالكم والي

روحي ألروحه هديه ومرهونه
جعل روحي كلها فدوة الغالي
للشاعر
مساعد المزعل