|
هبوب الريح .!
لولا هبوب الريح ومشاهد البيد
لايطق صدري مثل طق الزجاجه
في خايعٍ مافيه للبث تمديد
وماطبّه اللي له مع الناس حاجه
ولاجاه منهو ينتظر جيّة العيد
اللي زمانه مايعكّر مزاجه
يمرح به اللي كل جوفه تناهيد
اللي سماء ضلعه بعينه ملاجه
يشكي عليه الحزن ويزن ويعيد
واذا سكت يرفع لبرقه حْجاجه
الأرض شبعانة شيوخ وصناديد
متَى على الله فوق الارض نتواجه
ونفك قيد اللي كسر رجله القيد
وينزل عليه الغيث عقب العجاجه
يالله ياللي ما لوصْلك مواعيد
إنك تشوف اللي بوصْلك علاجه
|