بسم الله الرحمن الرحيم

إسنادا على الشاعر على الشاعر / مبارك طناء التبيناوي

[poem=font="Simplified Arabic,5,white,normal,normal" bkcolor="blue" bkimage="" border="groove,9,sienna" type=2 line=0 align=center use=ex num="0,black"]
يقولون من ينزل بقاع البحر غواص = لزومن يجيب من الجواهر درر وفصوص

وأنا يامبارك في بحور الهوى رقاص = غريقن بموجاته طريحن تقل مقروص

إذا ضقت من فرقاء عشيري ركبت الشاص = رفيقن لطرد هموم من يركبه مخصوص

يعزك ولا عمره خذل سايقه أو حاص = جديدن من الجمرك وفيه الدبل مفحوص

ويشفين من همن لضلع الحشاء قصاص=غداء الصدر وضلوعي بنيرانها مفعوص

من اللي جذبني بالهوىمثل جذب الماص = جروحه تقل يضرب عروقي شطيرالخوص

إذا قلت أبي شوفك تململ تقل خراص = تململ تقول إنه على شوفتي مرصوص

مادامي طلع راسي على المرجله مفراص =مالي بالهوى دامه يجي قيمتي بنقوص

أعاف الشراكه لو على ركبتي باالباص = ولا خفرتن نركض وراهاركيض الصوص[/poem]

الرآوي / فواز الغسلان



رداعلى الرآوي / فوازالغسلان يقول الشاعروالرآوي / مبارك طناء مبيريك التبيناوي


[poem=font="Simplified Arabic,5,white,normal,normal" bkcolor="darkblue" bkimage="" border="groove,9,sienna" type=2 line=0 align=center use=ex num="0,black"]
تمنيت قبلك لو لحزن الحشاء نقاص = ولا شفت قلبي مع صخيف الحشاء مقلوص

وأنا اليوم يافواز مالي منه مخلاص = وأبعطيك عن ماحل في حالتي ملخوص

ترى حال من يشرب من الحنضليل قلاص = مثل من فقد شيهانته وخوياه قنوص

وجودي عليها وجد من رصه الرصاص = كلاه اللهب في يوم يثني خلاف العوص

ملكني جماله والحياءفيه والإخلاص = ليامن تشخص عاضني عن كثير شخوص

هو اللي على شأنه تهل الدموع إرخاص= مع إنه على تعذيب قلب الشقاء مرخوص

غرامه تقل مع دم قلبي يحط أقراص = مشاء مع شراييني خلط دمي الممصوص

غريق المحبه والهوى ماله المملاص= وأنامن سبب همي من عيونن عليه إحروص

بشرع الهوى مافيه قول الجروح قصاص = يوديك درب التهلكه لو تجيد الغوص [/poem]

(((الشاعروالرآوي/ مبارك طناء مبيريك التبيناوي)))