خطته في ذبـح الارواح مرسومـه
تبتدي من طـرد نومـه ومرقـاده
ثم يعلن في جميـع المـلا صومـه
مع سهر عينه جفى الكبد عن زاده
لين ترمي خافـق القلـب بهمومـه
مثل زرع الصيـف لاجـاه جـداده
والشهاده تعلـن المـوت مختومـه
وصعب يصدر خافقن ذاق ميـراده
مثل مطلوبن على الثار من قومـه
دايمـن ينقـل سلاحـه ومجنـاده
لازعلت امسـح قوافيـه ورقومـه
نصف ساعه واطلب الزين ميعـاده
داخلن وسط البحر جاهلـن عومـه
ومقعد اللي يجهـل العـوم بحفـاده
لاجل هـذا ساهـر الليـل مالومـه
كان هجران العذارى غـدى عـاده
انا ماقدر اقول روعه ولا قمة الروعه بس الاكيد انك تمتلك
اسلوب تخلي من يقرا كلماتك يعيش بعالمك
وهذا الشي طموح اغلب الشعرا انهم يوصلون له وانت وصلت له وتجاوزته
اسمح لي اهني الشعر فيك يابو فهد
دائما مميز ومبدع
صح لسانك وسلمت يمناك
|