وش تغير.... كلها نفس الوجع

وش تغير.. دامها جروحي تسع

تدري وش أحلامي؟؟

هي بقايا اشلاء منثورة

من جسد أعظم مجاهد

طغت عليه كذبة الصورة

انه عن عرضه يحتمي

مسكين حيل هالأدمي

ينظر للعدل بعين جهل

وعين للأسف عورة


وش تغير... وكذبة أمالي أصدق من سالفة أبريل

وش تغير... ياما اسلي خاطري بكلمة تساهيل
واجلس اردد ياليل.. ياليل .. ياليل

في عز ضيقي.. يالمشاعر ارجعي

وارحمي غصة مدمعي


وش تغير.. والمسافة كلها كذب وشحوب

عندك مثل ماعندي desire و hope

بس عيبك ياحلم

انك تخون المقدرة

وتتلبس بكل التهم

وتعيش قصة مؤثرة

وش تغير.. ليه اكذب مسمعي

و اقول خطأ مطبعي

ماهي بصمة اصبعي

جروحي التسع

لاتضيق وتتسع

ولا تنزف وتموت

او اموت وهي معي


وش تغير..لاتقول انك أبي

وشجاع وفيلسوف ومغتني

والملامح شابها بعض الغموض

المنكسر..المنتثر.. الغبي

وش تغير.. ياهي سالفة مالها أخر

وش تغير... لاتدعي الحب وتكابر

محنا بشر.. اكيد انا بشر

انتبه لاتصير بدنياك عابر

وتجي وتسأل بعد كم شهر

وش تغير ؟؟

كلها نفس الوجع

هي نفسها جروحي التسع