|
رسنت انا مهرتي واسرجتها لاجلك
السلام عليكم
اخوانى واخواتى
مصافحه اولي اتمنى ان ترتقى الى ذائقتكم
وقبولكم ورضاكم
كما ان سعادتى لاتوصف وانا بيكم
والشكر لكل من تكرم
وتشرف بالمرور
[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رسنت انا مهرتي واسرجتها لاجلك=وجيوشها من بنات الفكر تبغاكا
عهد ٍ علي ما اجى عندك واقرب لك=ولاجيب انا اسمك واعيش اليوم ذكراكا
قطعت كل السبل عنك وعن وصلك=الا الغلا وسط قلبي صعب الادراكا
يمكن تناسيت ورب البيت بحلف لك=حاولت لكن عجزت اليوم لا انساكا
الله يسعدك في دربك وابافرح لك=واهل دمعي على بعدك وهجراكا
كن الغلا صار تحت امرك وعبد ٍ لك=والقلب كنه غدا عندك وبحماكا
تدري الي غبت اعد الوقت واحسب لك=متي على الله يدور الوقت والقاكا
عشقت هرجك قبل عرفك وبشرح لك=افرح الى جيب لي اسمك وطرياكا
حسيت باول لقا انى احد اهلك=واقول ياكيف انا بصبر بلياكا
ماتدري الى هرجت ابهر واطالع لك=وامزج جمالك مع هرجك وحلياكا
واعيش فى عالمى وادعي وأطلب لك=من شر حسادنا الرب ياقاكا
لا ماهويتك ابى اصلك انا وفصلك=ابيك وحدك ولا ابي حي ٍ سواكا
والله لو لا الملامه وقول ما اخبلك=عند اللذى ماتقّدر مثل شرواكا
لااجر انا الصوت فى اسمك وابندهلك=وقول انت اللذى من الناس انا اهواكا
واليوم جا من قطع حبلي مع حبلك=وابعد ورود الغلا وانبت لي اشواكا
والشيمه اللى تربينا به اطيب لك =تصيح فيني واصيح اليوم وانخاكا
ان شفتنى لاتناظر لي وبشهد لك=لو ترفع يدّك تسّلم باتعداكا
وضحت للى سألنى قال من شكلك=وشبك تغيرت قل يعقاب وش جاكا[/poem]
[align=center]اخوكم
عقاب نهار الشمري[/align]
|