اخواني اعضاء ورواد المنتدى

السلام عليكم ورحمة الله وبركاته
هذه فصيدة رد على صديق يشكي جور الزمان راجيا من الله ان تعجبكم


[poem=font="Arabic Transparent,7,darkblue,normal,normal" bkcolor="transparent" bkimage="" border="solid,7,royalblue" type=0 line=0 align=center use=ex num="0,black"]
جتني رسالة حاملة زين الاشعار = نضمه كما الياقوت لاعرضوبه
اهلا هلابه عد نجم الياسار =اعداد عشب الوسم واللي رعوبه
يشكي زمانه ويشتكي كثر الافكار = يشكي من الهوجاس واللي حكوبه
بعض العرب قلبه سواده كما القار =لايعجبك في هرجته وزين ثوبه
اصبح كما الثعبان في وسط الاشجار =واروغ من الثعلب على ماحكوبه
ارضه خبيثه ماتفيد كثر الامطار = لاوحسايف خابوا اللي زرعوبه
نمامة هراجة كل ماصار = حتى القريب بنيابهم عرطوبه
العم والاخوان زود على الجار = لاصار ضعيف عندهم ماحسوبه
كيف الغني اليوم يفرش له الدار =لوهوعفن الياوصل مرحبوبه
اهل مصالح يقطع الله هالادبار = رفاقته للمصلحة ومحسوبه
يماري بذبح الحيل صغار وكبار = والا القرايب جوعهم مادروبه
ول يازمان فيه ضاعوا الاخيار=واهل القلوب الفاسده ربعوبه
والخاتمه صلوا على سيد الابرار = عدد حجيج البيت واللي سعوبه[/poem]

اخوكم / عبدالعزيز الهاشم