اقتباس: المشاركة الأصلية كتبت بواسطة ملتاع شمر    السلام عليكم ورحمة الله وبركاته من حلكة ليل لا ينتهي نكتب احساسنا بنبض حائر نحب نعشق نتوه ونسافر على جناح الاحلام وفجأة ندرك ان العمر يمضي بنا ما بين عتاب وملام ولكن القلب العاشق يرفض الانصياع للقهر والاوهام على امرك يالحبيب اللي تذكر لي طلب فرقاي مدامك ماتبي وصلي انا وش عاد يبقيني ْْ ابحفظ مابقى لي من كرامه وابتعد بخطاي على درب الغياب وين ماودي يدويني ْْ واذا حرك معاليقي هواك وحدني لأقصاك دعيت الله يصبرني يطمن قلبي وعيني ْْ وطلبته مثل مامكن غلاك وثبته بحشاي يشيله من عروقي قبل نار الوجد تنهيني ْْ وربي لو اعرف اني ابثني عزمك ورجواي اموت ولاترجيتك وقلبك مرخص فيني ْْ لو انك قلتها تبغى تشوف معزتك جواي او انك قلتها ساعة زعل والذنب كاسيني ْْ بجيك بكل مافيني من اول داخي لأتلاي واجي لرضاك لو أضر لأجلك باقي سنيني ْْ وانا اللي منك عانيته قتل نار العتب بشقاي غرام مات في عينك على فرقاك يغريني ْْ حسافه كنت احسب انك تقدر طيبتي ووفاي نعم وتقدر العشره تجاملني وتراعيني ْْ توقعتك تكون اخلص عشير جابته دنياي اشك بكل هالدنيا وتبقى ماتخليني ْْ طلبت البعد في وقت ابيك تكون به يمناي بعد ماجارت ايامي علي وحرت بيديني ْْ ولايخفاك لوعات الليالي وضيمها وياي وانا ادري ماانت نافعني وجودك بس يكفيني ْْ على كل حال ماينفع ملامي لك ولا شكواي فمان الله اببعد للفراغ اللي يناديني

لاهنت والله
وصح لسانك يالذيب
ابيات جزله من شاعر متمكن مليئ بالمشاعر المتدفقه

سجل اعجابي بحروفك الرائعه0