منتديات بعد حيي - عرض مشاركة واحدة

11-06-2007, 11:04 PM

اقتباس:

المشاركة الأصلية كتبت بواسطة منيف المهيلب


	[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] عمرك طعـش بس تهـتز لحضورك كهول = حسبي علــى اللي ســقــاك الطيش والعندله ما شفتني دخــت قـــدامـك وصابن ذهول = وحاولــــت أبطلع وجيت البــــاب من مدخله ماهي رزانه ولا حــكـمة ولاهــــي ميول = بس خفت نظـراتك تجـــي للــقـــلب مستعجله والجـاش يامـا علـيه مـن الثقال الحمول = والعشق ماهو شجاعة . ولا فطنه . ولا مرجله يا صـــغـّير الســن يا نهّـاب لــب العقول = لـو تسـكّــب المـــاء عــلى الضمـــيان ما بلله الــريم مايشبهـك .. الـريم طبعــه جفول = وانتي ..لعوب.. ورغوب..وفارع جيد.. ومدلـلـه ابوصــفك لين توصيـف المـــزايا يطول = يا فجة النور .. يا قـــارورة الشهد .. يا منّهله أنا اعشق الغيد واعشق نادرات الخيول = واخـــذ مـــن الشــــعـر زينه واسـتــلــذ أجمله بس اني اخـــاف كـيد مـدوّرات الحجول = ودوامة الحبـل والحبـلين والغربال والغرّبله تعـبت ادور مـن الزينات طــرف خجول = مستـــورة بين اهـــلـها .. والـهـــوى تجهله أكتب لها القلـب ملكه ..عند ناس عدول = ونصــــــير جـوفـين مــثل المـــيل والمكحله الــبدو قــــالوا والامثال دايـم تقول = أن اصعـب العـشـــق فـــخ في كمـين اسهله مالي ومال الهوى ومالي بشرب البطول = دام اول الخـمّـر لـــذة .. واخــــــره مهزله الحــب يا صـــار مـــا يحييه دق الطبول = مثل السـراب البعــــيد .. ومثــل من يدهله تدرين..!!روحي وأنا بمشي ولاني عجول = ما ضعت تـال النهـار .. ولا خســرت اوله [/poem]

صح لسانك اخوي