منتديات بعد حيي - عرض مشاركة واحدة

معرض الوسام · 04-15-2008, 03:33 PM

[poem=font=",6,black,bold,normal" bkcolor="red" bkimage="" border="double,8,darkblue" type=2 line=0 align=center use=ex num="0,black""]

جريح الهـوى الوافي بجرح الحشى ماجور=مدامه كـتم جرحـه من الصاحب اللي جـار
وجمر الـهـوى فـوحه مـثـل صالـي الـتـنـور=على اللي فــقــد خــل غـرامـه غـدى تذكار
وظـلـم المحـبـه بالـعــرب ذايـعـن مـشـهـور=رمى قـيس مع لـيـلـى على حامي المصهار
انا كـنت احـسـب ان الـغـلا من حمام الدور=ولا جاء عـلى بالي غـثـى الـزايـر اللي زار
صبر خافقي يرجي عـشـيره ثـمــان شهـور=لـعــل الــغــلا تـرحـم خـفــوقـن وقـع بالـنار
واخاف الـغـلا مع جـور وقتي تـزيـد الجـور=ولا اشـوف مجــدوله ودور الـســنـه مـادار
واذا دار دور الـعــام خـلــي مهــو مـعـــذور=وهو عارفن عـقـبه بقـلـبي وش اللي صار
غـديـت اشـتـكـي ليلي سهـيرن تقـل مكسور=وهو جـاهـلن جرحن جحـم جسمي المنهار
يـنـام الـغــلا لـيــلـه مـثــل نـومــة العـصفور=قـضـى لـيـلـتــه دافـي بـعــش الهـناء ماطار
وانا ساهـرن جـفــنـي عـلـى الجادل الغندور=ابي شوف من يطرق بوسط الحشى مسمار
شطف شـوفـتي رمشن خمش قلبي المسحور=قـعـدت ابـتــرم لاجـلـه مـن الـبـيـت للدوار
ابي شـوف مجـدولـن عـلـى مـتـنـهـا منـثــور=يجـي عـطـرها الـفـايح بريح الهواء لا ثار
عـيـون العـنـود اللي رعـت حـاجـرن ممطور=جـفـولـن خـجــولـن دامعـن موقـهــا مـذيار
مع العـصر وغـيـومـه تغـطـي شـعـاع الـنـور=وبراقــهــا يـشـعــل سحــابـه تـقــول افـنـار
مـزونـه تـراكــم بالـسـمـاء مثـل روس القور=وحـس الهـواء بالغـصن يصفـر تقل مزمار
هـطـل طـشـهـا الـطـايح مـثـل ناقـط الـقـاطور=يغـسـل الـغـصـون اللي كساها الدهـر بغبار
سحـابـه سـكـب وسـط الـمـسايح من الميسور=رسى الـسيل بسـفـوح المسايل تقول انهار
سروح الـفـرح تلـفـح عـلـى الجانح المقـهـور=اذا راج بافــواجــن عـلـى مـوجـه الـغــدار
غـدى ريـفـهـا يجـمـع مع العـشب لون زهور=ومـن زيــن زخ الـمــزن زاد الـزهـر نوار
من الـبـعــد مازرفـل بـريـضـانهــا الـمـظـهـور=ولا داجـهــا زملــن طـلـيـقــن بدون هجـار
ولا جـاه مـن يطـبــخ طـعــامـه عــلــى دافــور=وكـيــس الـلـحـم شـالــه بدربه من الجـزار
وهـو ناقـلـن خـمـسـة بـنـادق وخـمـس طيـور=ولا كـل مـن يـنـقــل طـيــوره غـدى صـقار
الا ياهـــوى بـالـــي خـفــوقــي وقــع مجــدور=يـبـي يصـدر احكامه واشوفه وقف محـتار
اذا قـلـت ابـي نـسـيــان مـبـسـم شـبـيـه الحور=وش الـنـفـع مـن شـوق العـنايد بلا مسيار
رجـف خافـقــن يعـلـن غـرامـه لـنـفـخ الـصور=وقال الجـفـى تـسـمـع بموتي على الاخبار
وصـبـري مـعـه يعــني وقــوفــي مع الـطـابور=لـعــل الـغــلا تـسـمـح بقـربه بدون اضرار
لـعـب بالحـشـى الـضـايع تحت صفقة الجمهور=واذا ضقـت من جـور الموده خـذيت انذار
وهـو حـق من يـتـلـي هـوى الصاحب المغرور=اذا كان في مـشـوار حـبـه غـريـب اطـوار
عشيرن غـدى يعـرب خفـوق الحـشى مجـرور=وانا اللي رجـيـته ترفع الروح عشر ادوار
حـسـافــات ياقــلــبــن صــدوقــن وقــع مـدمـور=عـبـر داخـل امـواج المحـبـه وجاه اعصار
بدرب الهـوى الجـايـر وغــدره خــذى خــابـور=سجـيــنــن وســط داره وخــلــه نـزح لديار
سبب طـيحـتي صـدقـي مـع الـلـي غـرامه زور=وطبع الـوفـى الـغـافـل مع الخافق اللي بار
ايا صـاحـبــن قــصـره بجـوفـي بـقــى معـمــور=وهو هادمن قـصري قـبـل ينصف المشوار
ابـا انـسـاك واكـتـب فـي وداعـك ثمـان سـطـور=اداوي بها جـرحـي من الصاحب اللي جار [/poem]