[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يومك تبيني ليه عنـي تصـدي=الحين روحي لايـردك حنينـك
ياما نصحتك بس صرتي تـودي=للبعد حتى صـار هـذا يقينـك
ياما رجيتك للقـى لـي تمـدي=والحين مدي للمفـارق يمينـك
الحين انا بهديك صدي وبعـدي=وني كما ونيت باسمـع ونينـك
الدمع سال بغيبتك فـوق خـدي=والحين دورك واسكبي دمع عينك
دين(ن) من أول حان وقته تسدي=سدي طلال لاتبخلي في ثمينـك
روحي بكيفـك بـس لالاتـردي=أرجوك روحي لايـردك حنينـك[/poem]