منتديات بعد حيي - عرض مشاركة واحدة

معرض الوسام · 06-24-2008, 03:47 AM

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,7,black" type=2 line=0 align=center use=ex num="0,black""]
راع المحبه يطير النوم عن موقه=والزاد تمضي ثلاث ايام ماذاقه
كن الافاعي تغرز الناب بعروقه=ولاتنفعه حجبة الحاجم وترياقه
الروح كن الجبال السود من فوقه=ضاقت سبب لاهب المحبوب واشواقه
باسباب ريمن خفوقي ضاع في سوقه=نظرة عيونه وزينه جل خلاقه
ريمن عليها عطور المسك مدفوقه=تسرق خفوقن غدت تومي بمعلاقه
عين اشقرن جمرة القداح بحدوقه=حر(ن)جليلن ربى في راس شوهاقه
يمناه تودع عروق الصدر مشلوقه=عادات كفه لصدر الصيد صفاقه
والجسم ياعود موزن مال بعذوقه=يشرب على جاري الماطر ومشراقه
هني من شافها بالكرت مرفوقه=في دفتر العايله والختم باوراقه
هجره كوى الخافق الضايع ومعلوقه=وهو ينتظر شوفة الغالي على فاقه
ماجاء على البال درب الغدر والبوقه=ولا لي على هجرها حيل(ن)ولا طاقه
الليل يمضي وروحي تقل مشنوقه=والبيض تقصد هوان النفس بفراقه
تفرح بقلبن يذوق الضيم من شوقه=وترسل رماحن لوسط الجوف سراقه
ليتي على اللي يهوم الطعس وفلوقه=جيبن يدوج الحصى الوقاف واشناقه
لاهابت الناس بعض الطرق من ضوقه=الجيب يلقى بوسط الضيق منطاقه
ادهج رياضن ربيعه شرق من لوقه=تجمع طرايف زهور الوسم وارناقه
تفتح قفولن بوسط الصدر مغلوقه=وتطرب عيونن تهل الدمع لا ضاقه
وابدع حروفن يهيل الناس طاروقه=من غيظ روحن لجزل القاف سباقه
اطرد طوالع جزيل الصيد وفروقه=مع بندقن يضبط المنظار تفاقه
بظلال غيمن غزير الغيث بطبوقه=لاثار مرزم رعوده لاح براقه
روحي غدت من طعون البيض مرهوقه=من جمر نار(ن)لوسط الجوف حراقه
مالي سوى اللي سحرني زين منطوقه=وعلاج همي هوى المجمول وعناقه
عقب السعاده وقعت بنار خازوقه=ضامت قلوبن لدرب الطيب منساقه
عقدت معها حبال العشق وحقوقه=وظنيتها مثل نار القلب واشواقه
واليوم كبدي على فرقاه محروقه=وعزي لمن كاوي الفرقى بخفاقه
يانور عيني ظلوعي منك مفتوقه=روفي بروحن لذوق شفاك تواقه
روحن غدت من هجوس الليل مطفوقه=والسهر يودع عزوم الناس منعاقه
وكان الوعايد بدرب العشق مفهوقه=وعفتي عهود الهوى الوافي وميثاقه
حطوا على القبر تحت الراس طابوقه=ولا هو جزاء اللي هوى الغالي من اعماقه [/poem]