كتبت ثلاثة ابيات فاهداني احد الاصدقاء توقبع وضع فيه ابياتي الثلاثه

بعدها اكتملت وتغيرت لاعلم كيف ستكون هل ستنال رضاكم !!!
هذا ما أتمنى !!!
[poem=font=",5,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جيت المكان اللي جمعنا من سنين=ولفتني الذكرى على حد بابه
اذكر هنا نزرع غلانا بساتين=اذكر حياه وعزتــه والمهآبه
أذكره في ليلن مع الدرب سارين=نور القمر فج النحر منه جابه
زاح السواد وذوبه كامل الزين=ذوب خفوقن طال ليلن سرابه
فيه اختلط عنبر ومسك ورياحين=وفيه اجتمع ليل ونهار بغرابه
ليله جديلن ينثني فوق ردفين=ورموش وعيونن ذبحني صوابه
ولاينستر ليلن تجي فيه شمسين=وجمر الغضا والثلج صاروا قرابه
جيت المكان وقلت ياساكنه وين=وين الغزال اللي وحشني غيابه
اللي جلس في مهجتي بين ضلعين=كنّه عديل الروح يوم ارتكابه
اثر المكان من البشر قاضي الدين=مافيه حيّن عانقه وانتشابه
قعدت اردد واسئل جداره الطين=الصمت طال ولا لقيت الاجابه
جلست اراجع مامضى داخل العين=واذكرك ياسيد الحلا والذرابه
وشجابني عقب البطا للعناوين=عقب السنين اشذكرن في غيابه
جيت لوطا دارن بها دوم تمشين=ماهو غلا للدار للي مشابه
انتي ولاغيرك من الناس تدرين=اللي يزيح عن الخفوق الكأبه [/poem]
بقلمي
نواف بندر
"""
"""