نص متواضع
اتمنى ان يلاقي شيئآ من استحسانكم

[poem=font=",6,red,bold,normal" bkcolor="black" bkimage="" border="solid,4,red" type=2 line=1 align=center use=ex num="0,black""]
الا ياطـير خـبرني وش اللـي صـار للأحـبـاب=تـرى قـلبي كثر هـمّــه سبايب غـيبة احـبـابي
غريبه عنّي يسافر ولا اعرف للسفر أسبـاب=كذا فجأه يودعـني ولا أدري أيـش الأسـبـابي

ترى بعده عن عيوني يهـد الحـيل والأعـصاب=يمر الوقت بغيابه وأنا عايش على اعصـابي
الا ياطــير مـاعـندك خبر عن عودة الغــيـاب؟؟=ولا تـقـدر تـطـمـني تجـيب عـلـوم غــيـابي؟؟
ابي ياطير لامـر بسمـاك مـن الطـيور اســراب=ابيك تعانق اسـرابٍ تجي من بعـدها اسرابــي
ابـيـك تفـتـّش الـدنيـا . تدوّرلي عن الأصحاب=تجـيب العـلـم ياطـيـري وتطـمّـني عـن اصحابي
لك الله ليت جنحانك عـلـيّ وماحـسبت حسـاب=اطير بصحـبة الـغـالـي ولا فــكـرت بحـســابي
اروح اسكن على قربه وأخلي الباب حول الباب=اشوفــه لافـتـح بابـه وانـا واقــف عـلـى بـابـي
ادنـّق لابـدى حـولــه من اهـله لايجـيه عــتاب=وهـو يرسلـّي النـظـره بلـيا خــوف وعــتـابـي
اخـلّـي خـافـقـي يـدلــه بقـربه ماتجيه اتعــاب=واذا ناظـرت فـي زولـه نسيت الـهـم وأتـعـابـي
سقــاك الله يايـومٍ بـدت بـه نظــرة الأعـجــاب=حضيت بنظـرة اعجابه وهو يستاهل اعجابي
سحرني صوته الدافي حـنون ومنطـقـه جـذاب=وفـيت لـقـلـبـه الـوافـي وهــو بالوصف جـذابي
الـه الكون لاتـفـجـع خـفــوقٍ مـن غـلاهـم ذاب=تلـوّع سـبّـة الـفــرقى وهــو مـن قـبلهــا ذابـي
الا ياطـير خـبرني وش اللـي صـار للأحـبـاب=تـرى قـلبي كثر هـمّــه سبايب غـيبة احـبـابي

[/poem]

الاطرق بن بدر الهذال

لزيارة مدونتي

http://alenzy2202.maktoobblog.com/