س1 : آخر سفرة كانت لك وين ؟
من زمان السفر لكن اخر سفره
هى طلعة بر كنه سفر 650 كيلوا بين الرياض والشرقيه
س2: أقصر سفرة وأطول سفرة بحياتك ؟
اقصر سفره للكويت يوم واحد مس خط عند الجواازات الكويتيه
قابلت واحد زميل عمل للوالد يرحمه الله سلمته اوراق تخصه ورجعه بنفس اليوم
س2: شنو أجمل مطار شفته ؟
عبر الصور دبي وعلى الطبيعه مطار الملك خالد
س3: شنوالدولة اللي تحب تزورها ؟
دول الخليج وبالذات الامارات وعمان لان الكويت جيته من قبل
س4: تذكار محتفظ فيه من أي دولة وشنو اهوا ؟
اى تذكار مابه تذكار الا كان به وصل احد يطلبنا قروش ومحتفظ به ماسددت
س5: نبي صورة لدولة تتمنى تزورها ؟
كانه بالتمنى النمسا وماليزيا وصور
ماهن موجودات هالحين
س6: أكلة تحب اذا زرت أي دولة تتمنى تذوقها ؟
لايعلى على العنبر وطبخ السعوديه وين ماكنت
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
لو يحصل كلهن يعجبنن بس الحكى على القروش كان ماخلى مكان
س8: أجمل مكان شفته بسفرك ؟
بالسعوديه اجمل مكان الكعبه ومسجد الرسول بالمدينه عليه الصلاة والسلام
س9: كم مرة سافرت بحياتك ؟
داخل المملكه كثير وخارجها بالاصابع اعدهم
س10: موقف محرج صارلك في سفرك ؟
هذا مره طلعنا لمكه الله يشرفه المهم سكنا باحد الاحياء
جيته بعد ماخلصت العمره وعلى الحرام وقلت عطنا دخان
باعنا الرجال رحنا للشقه وغيرنا الملابس وفكينا الحرامات ويوم جا بالليل
قال واحد من الشباب وانت راجع جب لنا عشى ولاتنسى الدخان جب لى معك
مريت رفيقى اللى شريت منه لانه ممنوع يباع الا بخفيه قلت هات لى دخان وانا اتكلم
والا تنط عينه على ويهاوش انت ماعندك ضمير ماتخاف الله وكلام الله حق اهل الحجاز ادرى انه
انواع التهزيء بس مانى فاهمه لكن واضح يسب ياولد اركد وش جاك مني قال تتبلى على ياظالم
قلت انا اللى جيتك الظهر اليوم واخذت منك الفرق انى بحرام والحين غيرت تغير الرجال
وقلب 180 درجه وقال اسف قلت وش عقبه بعد ماخليت كل عذروب فينى قال ايش العذروب
انت شكلك ناوى تخرب وايش تقصد بالعذروب وابلش من جديد بشرحها له مالكم بطويله
لاخذيت دخان واحلى تهزئه جتنى
س11: شنو يعني لك السفر وهل تحب تسافر ؟
السفر شى منه عدة فوائد تكسب معرفه وتكسب علم وراحه للبال
س12: شيء لا تستغني عنه في سفرك؟
كثير والله مايلزمنى هناك واكثرها اشياء شخصيه
س13: اختار عضوين ياسافرو معك ولوين بتروحون ؟
بختار قناص الشمال بعد قلبى هو سلاح بالسفر
وابى فارس النهار امون عليه واقدر ارسله لاى مكان لانى سودانى اغلب وقتى
س14: نصائح تقدمها للمسافرين ؟
احترامك للغير يمثل بلدك ولاتنسى دينك ووطنك اين ماكنت
س15: كلمة أخيرة لقسم االسيآحهـ والـسـفر ؟
بيض الله وجه من استضافنى وللمره الثانيه الاخت بدر البدوور
وربي يسعد الجميع ويالله متى التذاكر ناوى اسافر
شكر للجميع
|