راح أبدأ من بعد أذان الفجر طبعاً صليت وقرأت القرآن


ولله الحمد بعدها دخلت على بعد حيي وتجولت في بعض أقسامه

نمت على الساعه 10 وصحيت على أذان الظهر


صليت وقرأت القرآن ولله الحمد

غفيت غفوة على الساعه 2:30 الظهر ثم قمت ونزلت أجهز للفطور


طبعاً مابديت بالطبخ إلا على الساعه 3 العصر


وبعد ما أذن صليت وقرأت وجه من القرآن


ثم رجعت وكملت باقي الفطور

وأنا أجهز الفطور أصووور الورطات اللي ورطوني فيها الأعضاء


هههههههه والله حوووسه

على الساعه 5:30 جهزت اللسفرة الأولي


طبعاً نفطر بالأول على رطب مع قهوة والقيمات والعصيرات والأهم الماااااء

قرب غروب الشمس وأتذكر أنه مطلوب مني تصوووير


وركض فوووق على شان أصووور

أذن المغرب وأفطرنا ولله الحمد بعدها قمنا للصلاة

وبعدين تجهيز السفرة الثانية ويكون الأكل الدسم<<<

بعد ما أكلنا وضفينا السفرة شربت الشاي مع الأهل في الصالة


وكنا نتبادل الأحاديث


طلعت أبي أترووش على شان برووح للصلاة في المسجد

المشكلة أني تأخرت راحت أمي وبنت اختي وخلوني


خذت ولد أخوي ولد أختي ورحنا يم المسجد

ودخلت وصليت فيه


قضت صلاة الترووويح وبعدها كان فيه محاضرة لداعية جلست وأستمعت لها وربي للحين خانقتني العبرة وعيوني طماطه من كثر الصياح أثرت فيني حيل


تكلمت عن فضل العشر الأولى من رمضان وأنه دخل علينا الأن العشر الوسطى ونصحتنا بالأجتهاد بالعبادة وأن نسأل الله أن يتقبل منا وهذا اهم شيء

بعدها قصت قصتين عن المووووت وربي كل اللي في المسجد بكوا


وبكيت بكاء شديد ودعيت لأبوي أن الله يرحمه ويرحم موت المسلمين

من كثر بكاء النساء طلبوا منها انها ماتكمل القصص بس هي قالت أنه تذكرها للموعظة وأن يجيب أن نتعظ مو بس دموع والسلام

نسأل الله أن يرحمنا برحمته يارب

المهم ختمت محاظرتها بدعاء والكل شكرها ودعى لها

طلعت من المسجد وأن للحين أبكي

وصلنا البيت لقيت اختي جايه هي وعيالها وتقوول وش فيكم ماقدرت اتكلم بكيت وطلعت لغرفتي


وجلست أبكي بعدها أستغفرت ربي ودعيت لأبوووي كثير ولكل موتى المسلمين

بعدها نزلت تحت على شان أجلس معهم


تقهوينا وأكلنا بعض الحلويات مع أنه ماني قادرة بس حاولت أكل لو شيء بسيط

بعدها طلعت لغرفتي أنزل الورطات اللي ورطوني فيها الأعضاء بقسم الصور


وربي دوووخني


بعدين تعالوا كل ورطاتكم أكل؟؟؟هههههههه

وها أنا أنزله لكم الورطات مع اليوميات


وربي ورطاتكم كثيرة<<<

و بعدها راح أنزل وأجلس مع الأهل

و راح أجهز السحور


كبسه يحبها قلبكم

ولي لقاء بكم بعد صلاة الفجر

وأتمنى أنكم تعذروني


لكثرة الكلام

انتهى