السلام عليكم ورحمة الله وبركاته
ابدأ بالشكر للأخت هايدي لأستضافتها لي في ((حكواتي))

عندي لكم سويلفه ثبتووو الكلمه ههههههه....

هذا مره رحت انا و مجموعه من الجحلط الله لا يعيد هالسفره..

لدولة الأمارات و بالتحديد أمارة دبي يبون السياحه الهطووووف

ومن وصلنا سكنا بفندق ...

بس المشكله ماهي هنا المشكله انك تضيع شي

الناس تضيع اغراض وجوازات بس حنا وش ضيعنا .....؟

ضيعنا واحد من الجحلط الله يرجه حاس علينا أم السياحه

جلسنا يوم كامل ندوره ماخلينا مجمع ماجيناه و لا خلينا

مركز شرطه ماجيناه وكل بعد ساعه يروح واحد منا للفندق

والمشكله ان جواله مقفل وقلنا مالنا الأ نروح للمستشفيات...

راح هاكاليوم كله ماحصلناه,,

ورجعنا كلنا للفندق وجلسنا ماندري وش نسوي

واحد يقول نبلغ الشرطه وواحد يقول يمكن رجع للسعوديه

صار همنا اللحين هو هالهطفاء حنا اللحين تقريبً الساعه 12بالليل

وبعد حول ساعه ونصف الأ باب الشقه يددددق وبعد مافتحنا الباب

الأ واحد مصري معه أعلان عن مهرجان وحنا ماحنا فاضين لهالسوالف

راح المصري وبعده بشوي قال واحد من العيال وش رايكم نروح للمهرجان...

اي مهرجان وحنا بهالحاله يابن الحلال......

قال هونوها وتهون يحلها ربك ان شاء الله...

لزم علينا لين رحنا والمسافه بينا وبين نفس المهرجان قريبه

تقريبً 500 متر رحنا نتمشئ وصلنا المهرجان الأ فيه عالم

زحمه لدرجه ماتوقعناها كذا وفيه العاب و مسرحيات و فنون شعبيه

قعدنا نمشي مابين الفعاليات شوي الأ هذا خوينا ....

وش عندك يافلان وش قصتك وين رحت ندورك اليوم كله....

وهو يضحك بكل بروده والله جيت الفندق مرتين ماحصلت احد ورجعت

وجوالك وينه وش فيه مو شغال قال والله طفئ شحن وخليته بالشقه

وشلون طلعت وش جابك هنا قال قعدت اتمشي لين لقيت هالمهرجان

وتكيت هنا تكيت هنا وحنا ماخلينا ماكان بدبي ماجيناه

الله يرجك رجيت هالسفره كله يالله معنا للشقه يالهطفاء ...

وان طلعت ثاني مره حشينا رجليك النشبه....


هذا الموقف اللي حصل وليتنا مارحنا ...

هذي وصيه مني لكم اذا سافرت اربط خويك بالشقه

لا يطلع الأ رجلك ع رجله خخخخخخخخخخخ


تقبلوو تحياتي

والسلام عليكم ورحمة الله وبركاته