منتديات بعد حيي - عرض مشاركة واحدة - تدرى وش اكبر جرح دامى ولا يطيب=ان الاسود اتموت وتبقى الـ /بساسه

09-15-2009, 07:57 AM

اقتباس:

المشاركة الأصلية كتبت بواسطة عقاب النهار

[poem=font="arial,6,#485f11,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
البارحه لاداعين ٍ لى ولامجيب=فى ليل موحش مفتقد للوناسه
شبيت نارى للدلال المجاذيب=واخذت فنجال ٍ يطير عماسه
ذريت وجهى عن سموم اللواهيب=وغصت البحور بقاف شعرى وقاسه
وطرقت انا ابياتى سيوف ٍ محاديب=يطرب له اللى هاوى الشعر ساسه
وفكرت بالدنيا وخظت الاصاعيب=ومريت فى جور الزمن وانتكاسه
لبست جلد الشاة لاشك انا الذيب=اعرف قوانين الحيل والفراسه
اخذتها الدنيا دروس وتجاريب=ماهى شهاده عن فصول الدراسه
تدرى وش اللى يجرح القلب ويصيب=شخص ٍ جحد طيبك بالاقدام داسه
وتدري وش اللى للرجل دايم ايعيب=من يجحد المعروف وعقله براسه
وتدرى وش اكبر جرح دامى ولا يطيب=ان الاسود اتموت وتبقى الـ /بساسه
مات الفرح ماعاد ابي اى ترحيب=دام الذهب قفى وباقى نحاسه
ياوجد حالى وجد من عارضه شيب=باول حياته صار همه لباسه
وافى ولاقصر بفعل المواجيب=وكثروا عليه اهل الحسد والـبلاسه
ياذا السحاب احذر عن النجم لايغيب=ماتجيبه الحيله وكثر السياسه
مافاد ياجساس غدرك مع اكليب=واكليب صاحب ملك وراعي رئاسه
ادمح واجامل كنى ماشفت تخريب=واغضى وكنى من فقد كل حواسه
اضحك على روحى بحيله وتلعيب=على حسن نيه تركت النجاسه
وان كان تجهلنى فغيرى لك ايجيب=وافى مع الاجناب ولابى خساسه
انا ولد من ذاع صيته على الطيب=بين القبايل غير ربعه وناسه
على نهج فعله اخذناه تدريب=كل ٍ على جسمه خذا الثوب قاسه
بعطيك جمله رتبه خير ترتيب=لاتضيع المعنى يقولون حاسه
ان قاله الله شدن الركب يالذيب=مارجع ولو فمك على الكوع باسه[/poem]

اخي العزيز وشاعرنا الكبير ابو ضاري سلمه الله

مليون مليون صح السانك

وعلا شانك

حضور لايشابهه حضور

وشعر لايضاها

لله درررررك

لله دررررك

ولافض فوك

هكذا الشعر والا فلا

والله اني كل بيت توقفت عنده اقول صدقت صدقت وصح السانك

اجلالا واحتراما اقف لك وللشعر الحقيقي

بيض الله وجهك

تحيتي وتقديري