أبيات قلتها في واحد من الجماعة فعل طيب معي
وحبيت أمدحه بطريقتي




عساك ياضافي تطيح بغمارة
من كبرها يستغرب الي ركبها
وتلقى بها حاجات كبرالعمارة
جرة من الياقوت وجرة ذهبها
وفلوس ماتحصى وخزنة امارة
فيها من الشيكات محدٍقضبها
لأنك كريم وماحسبت الخسارة
تفزع ولاتتنى الجزى في طلبها
طلتك أقوى من عمود الإنارة
والإبتسامة ماتبي من غصبها
وجيتك تجلى من سمانا غبارة
للخيمة الي مسعرينٍ حطبها
في وجه ربعه مايعرف القشارة
مطلق عنان المرجلة ماسلبها
حيرت عدوانك بفعلك خسارة
مايعرفون المسأله وش سببها
طيب الرجل واضح مابه مكارة
ولابه حيل بعض البشر مع نصبها
ضافي زبون النايفات بعسارة
يرقى سنود ولا يعيقه كربها
دعوة دعيته للولي في طهارة
عساه يقبل دعوتي ويحتسبها
عساك ياضافي تتطيح بغمارة
من كبرها يستغرب الي ركبها
احــــــــتراماتي