[frame="4 85"][frame="4 85"][frame="15 85"][poem=font=",7,,normal,normal" bkcolor="seagreen" bkimage="" border="none,4," type=2 line=0 align=center use=ex num="0,black""]



نفسي على غيرك جزوع وعنيده = وترظيك لو هانة سلوم وعوايد



ابخل على غيرك بحرف القصيده= واعطيك لجل رظاك شوقي قصايد



يامن ضحك عقد الذهب وسط جيده= اهديك روح ابيات شعري قلايد



اكتبك في شعري حروفٍ جديده=واشريك لواخسر جميع الفوايد



انت الهنى وافراح متعب و عيده= مغرور فيك انك على الزين زايد



تضحك طرب كل المشاعر سعيده= لافاز وصلك ماضي العمر عايد

[/poem]












[poem=font=",7,white,normal,normal" bkcolor="teal" bkimage="" border="none,4," type=2 line=0 align=center use=ex num="0,black""]
مثل البحر يا صاحبي ونت الأمواج = ابحربها مركب غرامي وراحي



راجت اشواقي يوم فيه الهواء راج = احس فيها بهجتي ونشراحي



عندي ولو انك وراء جرد وفجاج = في ناصية ليلي سوات الصباحي



يا نفحت العنبر ويا لمعة العاج = ويا مدمع العفري وعين الفلاحي



يا قمة الراحه ويا طلبت الحاج = لوا هني اللي بريش وجناحي



ورد الضماير صوبكم مال ونعاج = واومابها بشويش نسمة رياحي



قدام حالي صرت في موقف احراج = نسيت نفسي واتبسم صراحي

[/poem]






[poem=font=",7,white,normal,normal" bkcolor="green" bkimage="" border="none,4," type=2 line=0 align=center use=ex num="0,black""]

يسري مع النسمه صدى طق الاصباع= في ليلةٍ تجرح يميني شمالي



فكرٍ على الغيمه وجسمٍ على القاع= ارقى على متن المطر كل عالي



ابحرت للماضي بلا سفن وشراع= في رحلةٍ صمتي يناجي خيالي



ارسم على كف الندم شخص ملتاع= يجري على الخدين نهرٍ مثالي



معقول ياشاري تحولت بياع= صدقني اخر مايكون احتمالي



ابيليت بك مالي مكاسيب واطماع= اللي حصل مقسوم واللي جرالي

[/poem][/frame][/frame][/frame]