انا بالصمت لي حكمه رواها واحد مجنون
وانا بالهرج لي مبدأ اداري دوم ميزانه

وانا من دورة الدنيا بأشراف العرب مغبون
زمان خان بالطيب زمان خان جيرانــه

وانا ابقي اشرح الموقف ولكن ياعرب وشلون
يخون الحرف بالمعنى غدر بالورد بستانه

تناست لحظة الذكرى بقايا نبضه المفتون
خفق من حسرته قلبه يلبي صوت وجدانه

صدى من صرخة الماضي تشهد على اللي يخون
تضارب موعد الفرحه مع الفرقا مع احزانه

كتمت السر في جوفي وفيت بعهدك المطعون
حفظت العهد وهو طبعي وطبعك بان خوانه

حرام الشعر يكتبلك حرام الناس بك يحكون
لانك كالوباء صرتى تريد الناس نكرانـــــه

بليت الارض في مشيك عليها جبتها للهون
طهارة ارضنا ترفض نجاسة دم شيطانـــه

حشا لله يالخاين ابد مانذكرك في لـــــون
سوى لون السواد اللي غشا وجهك بدخانـــه

وخنجر غدرك السافل بجنبك دايم مسنون
غرسته وسط قلب اللي يحطك دوم باحضانه

عزاي اعرفك ماتقوى عيونى وانت لي مديون
ارد الطعنه بنظره واوفي الديــن ديانه