قــم زيــــن الفنجال وزبطــــــلي الكيف
تـــــرى الــــمزاج اليـــوم ملعـون جـده
اشــــــوف جــــوي عكرنه العواصـيف
والــــصبر عنـــدي وصـــل اليوم حـتـده
مانــي علــى الــدنيا كثــــير التحاسيف
مافاــــت مـــــات ومــاقوينا نـــرده
شـــــفي على البـيدا ونــــط المشاريف
برض(ن) خــلا قفــر(ن) عــن الناس فرده
غير الضـــــبي ومشوقات المــــواليف
وفياض شيح(ن) للــــنضر طــــول مـــده
بمسوبع(ن) يشـــدي الجبال الشغـانـيـف
نبنيه فــي ســــاعه وســــاعه نهــــــــده
نتـــــبع الـــبرّاق(ن) من المزن لياشيف
مـــضرابها بالقــاع كل(ن) يعـــــــــده
السيــل ساـل وجرف الارض تجــريف
وكــل(ن) بعلم الخـــير بيـــــح بســـــده
والصبح نركب فوق زيــن التواصيف
الفجر قبل الطـــــير ينوي مـــــهـــده
ريــــــح الخــزامى والنفل له نفانيف
وام الــــولد تعزف الحون المـــــوده
نهارنا نقــــــــضيه ضحك وسواليف
انفــــوس عــن هــم الـدهــر مجرهـــده
مادام رزقي بيد والــي الصواديف
الرزق عند الله ولـــــحد(ن) يـــرده
مليت من كثر الجـــزا والــــتواقيف
خـــلاص انا قــــررت من غـــير رده
ام الولد: طير يسمى ام سالم