يزين الشعر بالمعنى وقاف الشعر لي منثور=قصيد الشاعر اللي ينتقي في صفـوة أفكـاره
قصايد حبرها حسي بمعانيها وصـدق شعـور=قطع موجٍ وهو يبحر بليلة عسـرة أبحـاره
من الواقع ارتبها بعيدة عـن كـلام الـزور=لان بداخلي حٌبٍ ماخالـج حفنـة أوزاره
لقيت القاف يفخر بي وعبق الورد لي مغمور=وأغني من مواويلي بعزف العـود لأوتـاره
أبروزها على المكتوب محب وعاشق و مسرور=نسجته من خيال الوجد بعبق الورد وأزهاره
كثير اللي قصد قبلي وجملها لحن و بحـور=مشاعر بحرها جارف جرفنـا جـزل تيـاره
على فكره ترى شعري يسابق لهفة الجمهور=كتبها الوقت قبل اكتب بعنوانـي أو اختـاره
تمايل كنها بنتٍ بروضٍ بالوسم ممطـور=يلامسها شغف قلبٍ تزيد بشوفها نـاره
واعرف الشعر ماهو لي بديـوانٍ بعد منشـور=وعرفت ان الشعر كلمة احاسيسي هي احباره
خبرت الشعر وابحوره ولاني مكلف او مجبور=اقندها مع الفنجال الى حوم الفكر زاره