يا مرحبا فيني ملايين ترحيب=تاصل لمن ياقف هنا دون غبه
ولي على دنياي سكة مذاهيب=وليّ التنبي دون ماكون نبه
يا مرحبا بهل القروم اللعاليب=يامرحبن مليون مليون حبه
اسلا عن الاشواق واقف هنا طيب=واخذ بيد اللي علومه تذبه
لي فزت اسنافي ولي نومت الذيب=ولي مع العربان سلوات قبه
واهيج نبضاتي بدون الجلابيب=والا شعوري مستحيلات اضبه
ويالملعبي تفريد باق العذاريب=عرقوب ظامر معتدل كيف اشبه
سرجوف مدري شاعلات المشاييب=ياللي سكنت القلب وشلون جبه
تلعات مرقاب البشر دون تحجيب=يا نرجسي الريف نادر بغبه
يا نايد البيد الجميل المساليب=يا وردة اخزامي عليها مصبه
هذا من اعلومي عليك المزاهيب=والا أنت في خافيك محدن ينبه
وأنا ولد قحطان ما عرف تأنيب=ويا مرحبن فيني تلليون حبه
كما هي من فيض مشاعر الان
الشاعر / ياسر محمد القحطاني