بسم الله الرحمن الرحيم

السلام عليكم ورحمة الله وبركاته


أبيات أتمنى تنال على إعجابكم

لكم الأبيات

***

[poem=font="simplified arabic,5,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

ياشين دمع القهر على خد رجال=وياشين نظرة ذل في عين شايب
زمان أقشر تغيرت فيه الأحوال=كثرت فيه العجايب وهول الغرايب
مال الزمن فينا وحتى البخت مال=يرحم زمان أول زمان الركايب
صار الطفل فينا للهم شيال=والشيب بشعر العذارى من المصايب
دنيا غريبة ياسرع ماتبدل الحال=اليوم نجم صاعد وبالغد غايب
لحنت الحزن وغنيت بنهج موال=أرثي زماني وأهجي به العجايب
اليوم راعي الردى شاربه طال=وراعي النقى بآخر الطابور عايب
[/poem]


وسلامتكم


بقلمي .. أخوكم أحمد الشمروخي

لكم كل الإحترام والتقدير