السلام عليكم ورحمة الله وبركاته ,,
يشرفني انضمامي لمنتديات الشموخ
بدعوه كريمه من شاعر له وزنه
الشاعر محمد اديهم وان شاء الله ابيض وجهه
واسمحوا لي بهذه المتواضعه ..
من هاجس اللي مارجا بالشعر ميعاد وحضور
شاعر ولا هي مفخرة بالشعر يظهر لي سنا
يهزني موقف ذكي ويهزني بعض القصور
اللي بدا من واحد ٍ ماله ابد عنّا غنا
ان كانها لعبة غبي أو كانها دفن السطور
ياجعل مايظهر لنا بحفر المجاحر من ثنا
ياميّت الذمه ترى (ماالميت) من زار القبور
الميّت اللي عاش بالدنيا من قصور الفنا
ان كان في عظمي كسر وين انت ياجبر الكسور
وان كان في صرحي هدم .. ماطاح يلقى له بنا
عندي مشاعر تصطفق في موج غصات الشعور
وعندي بعيد من الجبل يومي زهمته لي دنا
يثور بالهاجس بحر والضيق بالهاجس يثور
وتبقى السفينه حايره بيني وبينك . ياأنا
ومن هاجس اللي مارجى بالشعر ميعاد وحضور
ماجيت ادور بالشعر مدحه أو احلام وسنا
تركي فلاح
</b></i>