http://snn.jeeran.com/talal12.jpg[/img]



قصيده في صاحب السمو الملكي الأمير سلطان بن عبدالعزيز


بشدّ لمشرق الشمـس .. و بعلّـق فوقهـا ديـوان=أمانه لا وصلتي مغرب الشمس .. انثـري قافـي
أنا بلسان نجد أرسل .. قصيدة شوق .. من ولهان=على زهور النفل ريح الخزامى .. تنّـده الغافـي
تنهّد بالقصيد طويـق .. سالـت دمعـة الصمـان=من أنفاس القصيدة .. انصرم طلع النخـل صافـي
نختني للقصيد أرضٍ .. من الوادي .. إلى بابـان=ثراها يشربك حـبٍ .. و لا يـرواك يـا وافـي
ألا يا شيخنـا حبـك .. علـيّ الله مـن الإيمـان=ما دام انت الوطن و الدار .. ستر العاري الحافـي
غلاك اللي شرب كل الجوارح .. لين صار احسان=غديت من الغلا ملجأ .. لمن حبـك معـه خافـي
لنابك هيبةٍ تفرح صديـق .. و تجـرح ا لعـدوان=و لك منا رجال تعـد .. مـوتٍ دونـك انصافـي
تعلمنا المراجـل منـك .. لـك بالمرجلـة ننـدان=و لا نلحق معك .. ما يلحق الإعصار مـع سافـي
كملت إلا أن عذروبك بشر .. و عن البشر شتـان=تطيح و تمتـرض .. ليتـك مخلـد دوم متعافـي
سبقني للقصايد فيك .. من روس العـرب اخـوان=و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف ا نسـان=حنونٍ في ضلوعه .. قلب طفل .. بحـس شفافـي
تقل شمسٍ إلى من .. بان بسمه يرجـح الميـزان=و كل الخلق عقب الشيخ .. سرج بعضهـا طافـي
ألا يا أميرنـا .. هـنّ بسلامـة حالـك الخـلان=فلا قبلـك مريـض .. يهنـي الـزوار و اللافـي
سِلِم .. من يوجع اقدامه .. و لا توجعه في ميـدان=سلم .. من له دعينا الله .. رد الشيـخ يـا شافـي
سلم .. من نار عينه تمن أهل الدار .. و الجيران=سلم .. من ضحكته تودع مريـضٍ ميـسٍ شافـي
سلم .. من طوّع الشمس الشرود .. و عنها بعنان=تعلـق فـي معارفهـا .. و يمـم راس مشرافـي
إلى قالوا مريض قل .. مريض اللي فقـد سلطـان=و إلى قالوا بعيـدٍ قـل .. قريـب الهـمّ لسنافـي
نخيت الشعر .. أوصف وش تحس الناس لكحيلان=و إذا خان الشعر شاعر .. عسى يكون الغلا كافي


رثاء الامير احمد بن سلمان


يالله هز الصدور ...وثبت اهـل القبـور =الين نرضى ...وبقبـور الحبايـب عمار
يالله ماكـل هـم ..تحتملـه الصـدور =لاشك الايمان ثبـت قلـب راع الوقـار
ياالله والموت سنة وانـت بـس الغفـور =تغفر لاحمد.ومن يبكي على احمد وجـار
يـاالله حنـا فقدنـا ضـي ظلمـا ونـور .=.ياالله حنا لقينا الليـل ....جـب النهـار
يااهل النعش وش حملتوا غير نجم سفور =وقبله فلا حسب نجم .....بالثرى له مـزار
ياهل النعش وش حملتوا ....هو طويق يبور=ويخلي اللـي بنـو بظـلال شمسـه ديـار
يااحمد تركـت الحبايـب يندبـون الدبـور=يااحمد لقيت الحبايب ...عند ربـك خيـار
ياالله وش نذكر احمد ..غير طيب مخبـور=ياالله وش ننسى للي ..في عطـاه اعتـذار
وش باقـي الابذكـره الصـدور الشعـور=وش خلص الا الصبر والفـرح والاقتـدار
وش راح غيـر الرفيـق الهيلعـي الغيـور=وش جا..سوى بالحنايا جمر سمر ...وشرار
وش نام "بالعود "غير حصان ربعه..جسور=وش قام بالصدر غير الحزن ...قومه مجار
امين جعلـه كثـر فعلـه يحصـد البـذور=وتسكنـه عالـي الجنـه ونعـم الـجـوار
يـاالله والمـوت سنـة والليالـي عـبـور=ادري ..وحنـا عبيـدك كلنـا بانتـظـار


.....................
هلا بك .. هي هلا اللّي قالها الصايم ليوم العيد = هلا بك .. هي هلا اللّي قالها للغيث هالوادي
هلا بك .. هي هلا اللّي قالها يعقوب بالتنهيد = ليوسف يوم عاد..و عاد شوفه.. و أنكف الغادي
هلا بك .. كثر ما أمّنت خايف .. أو رعبت مكيد = هلا بك يا عدو همومنا .. وهلال الأعيادي
تصاغرت الهلا .. من كبر قدرك .. و اعذر الترديد = لأنك شامخ مثل الجبل .. له بالصدى حادي
حسدت الشعر .. يوم إنه طليق لك .. و أنا في قيد = وجبته يوم جاك .. و شفت فيه مراة حسادي
مهوب إنت المريض .. إنت الشفا .. يا قريّبٍ و بعيد = وانا أقول المريض اللي .. فقد طلّتك فبلادي
سلمت إنت .. و سلمنا من سلاماتك عن التنكيد = أهنّيك .. أو أهنّي الناس .. أو نفسي و أنا البادي
يابو كل اليتامى و الضعوف و معسر ومريد = غديت الشمس وقلوب الخلايق زهر عبّادي
عليك نخاف منك .. إلى رقدنا و إنت في تسهيد = تقل من كثر حب الخير .. صرت لنفسك معادي
تطلّبك المرض نفسك .. و قلت أبشر بلا تحديد = فلا والله أرد اللي طلبني .. لو يبي زادي
هذاك إنت الضليل الضافي الوافي مناة الغيد = هذاك إنت الكبير المنور المنثور بالكادي
هذاك إنت الأصيل الماجد الناجد سليل الصيد = هذاك إنت الرفيع المشرق البراق والهادي
هذاك إنت الوفي العارف الوارف ربيع البيد = هذاك إنت العظيم الشامخ اللّي فوق الأشهادي
هلا بك .. و القدر بالصدر .. لا عجز القصيد يصيد = قصيدٍ لا درى إنّه فيك .. سمى شارده عادي


يا زمان الذل

أخر قصائده قبل وفاته بشهر(رحمه الله


]أسلحتنا في المصاحف

يا زمان الذل

.. زل..

ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه والقيم


يا زمان الشيخ بوش
يكفي هزأت المبادىء

يكفي أحرجت العروش

الكرامه يا طويل العمر ما تكفي النعوش


يا زمان البيت الابيض
إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل


يا زمن نهب المتاحف
جانا جيش الحقد زاحف

جتنا لعلوج الزواحف

فتشوا حتى العقول

وأسلحتنا في المصاحف!!


يا زمن أمريكا شكراً
أنتزعت الأقنعه

إنت ازلت الأقنعه

وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه


بس خلك مستريح
الصحيح

يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح


يا زمان الازمنه خليك شاهد
إحنا مو ناقصنا واحد

هو صلاح الدين

احنا ألف مليون واحد

هم صلاح الدين

حنا بس بعيب واحد

هو.. فساد الدين

يا زمان الذِل

حِــل

قلت لك مالك حِل

يتــــــــــــــــبع