هيه يااللي ساكنن مابين طيات الحنايا
وملتحف مابين رمش وعين وجروحا نديه
ياحبيب الروح بعدك نقض جروحا عرايا
وأسرف بتعذيب روحا مالها ذنب وخطيه
روحي اللي قدمت لك قلب وعيونا عطايا
مابغت الا وصالك ومارجت غيره هديه
صورتك ذابت بعيني وسكنت كل الزوايا
والبلا اني لالمحتك زاد نبض الشوق فيه
أشهد اني من عرفتك صارت الدنيا ورايا
وصرت أحسك في عروقي اقرب من النبض ليه
يابعد حيي وميتي ياخلف كل اقربايا
خلني دايم بقلبك وابشر بكلي عطيه
تدري أن الموت بعدك وابتعادك عن سمايا
ثانيه لو بس تبعد تظلم الدنيا عليه
تحتضر كلمة أحبك وتندفن داخل حشايا
ولو ابنطقها لغيرك تاقف بصمتي عصيه
أشعر أن الحب ملكك والمشاعر لك ظمايا
ترتجي لحظة وصالا تحيي الروح الشقيه
وأن غدا حلمي سرابا آه واكبره عنايا
من يعزيني بخلا شايلا سيف المنيه
ولو يعزوني ببعدك عزوتي وكل البرايا
مايعزوني بقلبا اندفن والروح حيه
للشاعر// العليــــا
..