[align=center]
اليكم هذه المتواضعه وهي وليدة اللحظة

أتمنى أن تروق لكم ...




الله عطاني قلب لو علّه الشوق
اقدر احطه تحت رجلي وادوسه

*
*
يكفي ثمان سنين ضايق ومخنوق
يكفي من الدنيا تعلم دروسه

*
*
يجيب طيب وياخذ من العرب بوق
حوسه حياته مع هل الغدر حوسه

*
*
واليوم هذا الذوق ياقمة الذوق
الضرس يشلع لابدا فيه سوسه

*
*
مايحتمل للدون من نظرته فوق
لو ذاق في درب المعالي تعوسه

*
*
أنجض لطب الحرق عن حرقه حروق
والراس ساسه من مقاديم روسه

*
*
وان عشت فيني عوق وان مت في عوق
عاري جسد والعوق ضافي لبوسه

*
*
تسوقني دنياي واسوقها سوق
اضحك ولو جتني وراحت عبوسه


**


تركي فلاح
[/align]