لانظرته شفت فيها العز برّأّقه يلـوح=وأن نظرتك شفت فيك العز كلـه يامـلاك
هامتك فوق السحاب وخطوتك تبني صروح=أن مشيت الارض ارضك والسماء كله سماك

زينها لاشع نوره من وراء ذيـك السِفـوح=صبحها يزداد خيـره لاتخالـط مـع بهـاك
والمساء لاعانق النسمه مع الصوت البحوح=اتمـدد ويتـردد يسعـد الله لـي مسـاك

فيه منْك ليا طلع نصف الشهر يازيـن ضـوح=التشآبه صار واضح بين <راه > وبين <ياك >
بس فرقه عنك !! غيمه!! لاحجب عنه الوضوح=وانت نورك دوم واضح من زهى باهي حـلاك

الحياة بـدون ماهـا ماتجـوز لكـل روح=وانا روحي مع حياتي تنتشي من عذب ماك
الغدير العذب فيك ومنك يا الخل النصـوح=جاز للضامي حبيبي يرتشف سكر اشفـاك

حرف حبك وحرف سبك وبينها حزن وفروح=واجمل ابيات القصايد ماوصل حرفـه مـداك
لو نموت الشعر يبقى يابعدي من فوق لوح=وجعل شعر الشمري يابنت كلـه مـن أفـداك

سيد الشعر واميره والبلا حرفـه فضـوح=والعنود اللي تقوده يفضحه صادق غـلاك
ملهمتني من حلاها عطرها مسك<ن>يفوح=سِعد عين <ن>ياحبيبي ترتجي ليلة لقاك

عاشقك مجنون لو كله من اسبابك جروح=من غلاتك ! حب جرحك لو يوديه الهلاك
اجرحيني ! في خفوقي قلب لجروحك سموح=يستلذ الجرح منك.. ولايطيقه من سواك
ومن يلومه لويشوفك صار للزله دموح=جل من بالحسن يالمزيون من خيره عطاك
ومن يحبك مايشوف بقلبه لغيرك طموح=وباختصار اصلاً مُحال انه خُلق شخص بحلاك

،،

،،

،،

،،

،