يا الله ياخالقٍٍٍ ٍ سبع قيعان00000ومن فوقهن سبع ٍبلياعمادي
وياخالق عين الانسان باتقان0000طالبك تهدي من عن الدرب غادي
ويالله ياخالق الأنس والجان0000وطالب عبيدك كل يوم تنادي
يالله سبحانك أنا اليوم تعبان0000حبل الكذب عند المخاليق زادي
سم ٍيوكل واحد ٍجاه جيعان0000ويبعده عن خير الرجال الجيادي
الكذب خيبه قالها كل انسان0000والكذب يقلب كل عيشة نكادي
يالله ياجاعل الكذب صنفان0000سبحانك أنت الواحد اللي تهادي
كذب ٍحلال ٍتنطقة عظمة لسان0000وكذب حرام ينطقه كل حادي
غلطان منهو ماخذ الكذب غلطان0000نصيحة تنقال ولاني محادي
ياخوك لاتاخذ الكذب لو زان0000ترى شياطينه لهن اجتلادي
يابوفهد للكذب مليون شيطان0000هذي شياطين اللذي توبادي
الكذب يهدم للمواليف بنيان0000والصدق يبني كل بيت يبادي
تراه ينهش في موازين الاحسان0000يأكل بخير الناس أكل الجرادي
ياكاذب ٍ أصبحت للكذب فنان0000طبع ٍجري في داخلك صار عادي
الكذب مايدخل كثيرين الايمان0000ولاينطقه مؤمن كثير التهادي
ياللي تخلي عندك الكذب بأوزان0000خله ترى به علة ماترادي
ياكاذب أصبحت بالكذب مرضان0000الكذب عله هاك علم وكادي
والكذب عند اللي طويلين الأذان0000اللي يقول السالفه وهي تزادي
اللي يقول السالفه دون تبيان0000من هومصدرها ومن هوالسنادي
وياناس خوذواالصدق تراه ماشان0000ولادنس براس ٍيقول الوكادي
وصلوا على من جاب زين الاديان0000محمد المبعوث وللصدق هادي

...الله يبعدنا واياكم شر هذه الظاهرة المنتشره عند ضعاف النفوس


أخوكم ...... الصقر