ســلام الله على منهو تحـرى جيتي شفقـان
وجيتك (يابعـد حيي) يالبــا من ينـــاديني

أجاوب من دعاني من معزة والرجال أخوان
وأقـدر من فــرح فيني.. وأحيي من يحييني

وصلتك يابعد حيي وصلتك والغـلا عنوان
وأنا كلي فخر بالــدعــوة اللـي من محبيني

تلاقينـا على عـز ومعــزة والعلــوم سمان
عســى اللي عــالم النيــه يوفقني ويهـديني

على ربي توكلنـا نقــول ونلعن الشيطـان
ابرقى والهدف سامي ولاأبغى من يوصيني

لعينك يابعد حيي حضرت وحان وقتي حان
وصلت وبإذن ربي ماتخيب ضنونكم فيني

حمود بن عيسى التميمي


صح لسانك جزل تقبل كيبورديتي بصدر رحب