جديدي لكم أتمنى أن يحوز على رضاكم:


[poem=font=",5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] مهما قلوب الناس تقسى على الناس=ماأظن به قلب من الحب خالي
الله خلق بقلوب هالناس الأحساس=أحدً يبالي به وأحد مايبالي
ماهو بذنبه كان خانوه الأنجاس=الذنب ذنب اللي عن الحب سالي
شف دمعة القاسي إذا ذاق الإفلاس=لو ماذرفها باين به توالي
شف حالة الظالم بحبسات الأنفاس=وينه عن أيام الكبر والتعالي
والمعتدي لابد في يوم ينداس=في لحظة ياصاحبي وش يقالي
لذا ياراعي الحب لاباس لاباس=مافيه داعي تقول شعري خيالي
خذ القلم واكتب على كل قرطاس=أحب وأنّا بالمحبة مثالي
حب عفيف مامشى درب الأدناس=ماشي على منهاج عمي وخالي
متوارثينه في الجزيرة على ساس=ساس الشرف والطيب أول وتالي
حب نفاخر به على كل الأجناس=يبقى على طول الزمن راس مالي
ياصاحبي اكتب ولو تزعل الناس=وتذكر(ن)ماحد(ن)من الحب خالي[/poem]

بقلمي / فلاح العايد