|
لو عشت بالدنيا فلاني بناجي
من الارشيف عسا ان تنال اعجابكم
أخوكم : محمد الفريدي
[poem=font="simplified arabic,6,blue,bold,normal" bkcolor="transparent" bkimage="" border="solid,4,gray" type=1 line=1 align=center use=ex num="0,black""]
لا واهني اللي سكن ضفـت النيـل=ذاق القـراح ولا ضـرا للهماجـي
ماهـو بمثلـي ذاق مـر البهاذيـل=كنه مع هموم الدهـر صـار لاجـي
ماشاف ماشفته من أقسا الغرابيـل=ولا قضـا دنيـاه بيـن المراجـي
يقضـي حياتـه كلهـا بالتساهيـل=مبسوط يظحك كـل مـاراح داجـي
ما اضـن همـه دلتـه والمعاميـل=والضيف عادي لو يجيلـه دجاجـي
مقضي(ن) دنيـاه ظحـك وتعاليـل=والذم لـو جالـه يزيـد إبتهاجـي
ولو ينتقص من بين كل الرجاجيـل=عادي ولا همـه ويلقـى خراجـي
هـذا تـرا طبعـه ولا فيـه تبديـل=مبسوط في طبعـه ولابـه عواجـي
ماحسّب حساب الدهـر والمقابيـل=ولا حسب حسابه لمـوت ٍ مفاجـي
ماهوي بمثلي كل همـي مواصيـل=قلبي مـن الدنيـا تكسـر زجاجـي
احسب حساب الطيب بين المشاكيـل=وأفرح بشوف الظيف وأطلق حجاجي
الطيب كسبي والمراجـل محاصيـل=ودايم مع الظيفـان رايـق مزاجـي
مغنينـي الله لـو حياتـي مواويـل=ولو عشت بالدنيـا فلانـي بناجـي
[/poem]
|