مع التحيه والتقدير


[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

على من يتبع حروف القوافي سقت قافي سقت=اصبّه من دلال الكيف والاحساس فنجاله
معاذ الله مانمت بسراديب الفضول وفقت=ولا نزلت حرف(ن) من الحروف بغير منزاله
رفيع المنزله مرفوع لو غرّبت لو شرّقت=يشب النار شبابه يعز الخيل خياله
زمان المرحله من كل طالع نبت اكلت وذقت=وخذيت من الرحيل ابن بطوطه كان رحاله
وانا مثلي مثل غيري يضيق ومن همومي ضقت=خلي البال ياحظه ولا حاجه على باله
يضيع الشوق بعيون الزمن لا مرني واشتقت=تذوب الفرحه بحامي براكينه وزلزاله
تغيّر وقتنا ياسعود والاّ الوقت هوّ الوقت=او التغيير فينا والزمن باقي على حاله
الاحظ كل ماعلّقت فوق يطيح ماعلّقت=والاحظ بالقلوب قلوب مقلوبه ويرثاله
والاحظ وجه ابو وجهين زاد وجيه لادققت=بعيد عن الشبه ماهو مثل عمه ولا خاله
والاحظ كل ماولّعت شمعه للضمير احرقت=لأن اللي مطفي بالظلام مسوي(ن)هاله
تهاويل الظنون تهيل لا طالعت لا برّقت=وانا ياسعود اساير وقتي المشحون بهواله
[/poem]
-----