ياعقـــاب انا مليت نــــط الــــمراقيب=
مغـــدي ودور ياســــــنافي ذهــــوبي
ياعقاب في قلـــبي جروحن معاطيب=
وشمسي اكهفت ياعقاب يم الغروبي
ماطاب لي ياخــــــــوك لذ المشاريب=
وعلى السهر ياعقاب كني مغصوبي
الدار مهجوره جـــــــفوها المعازيب=
مافي احــــــد غــــــيره بقلبي ينوبي
حبي لهاياعـــــقاب مابه تــــــكاذيب=
حبه بوسط القـــــــــلب اكبر اذنوبي
ياعقاب شب بوسط كبدي لـــواهيب=
خلا سهوم الموت ياخـــــوك صوبي
ابو عيونن سود خرسن مـــــهاديب=
منهن قـــــــــوي العزم لازم يحوبي
ومبيسمن ياويل روحـــــي تعاجيب=
لون الشفق للشمس وقت الغروبي
ياوجد حالي وجد شالح على ذيب=
يوم غدروبه قاطــــــــعين الدروبي
ارسلت ماجاني لــــــردي مكاتيب=
هذا شهر عدى وهـــــــم مادروبي