ياليت شعري يطيع ويطلق لسانه
يوضح هدف فكري ومعنى نتاجه
***
ويصور افكار(ن)اتسابق زمانه
واهموم قلب(ن) تايه في لجاجه
***
عسى الادب يمدني بالاعانه
وحبال شعر(ن)تربطن في سياجه
***
يوم الزمن غير معاني بيانه
غير خطاباته وغير مزاجه
***
بوقت نرى فيه اهتزاز الامانه
معظم ثوابتنا نحس ارتجاجه
***
عادات وسلوم تشوف امتهانه
راحت قيم واعراف بمعرض حراجه
***
من يقبل الهوان يسهل هوانه
ومن صد عن مبداه ينضب سراجه
***
واللي رفض مبدا الهزيمه وشانه
يفخر بما انجز ويرفع حجاجه
***
بوقت المصالح من وثق فيه خانه
ماينومن لو البسك الوقت تاجه
***
حرب المصالح مثل دا الضمانه
يصعب على كل الاطبأ علاجه
***
حرب (ن) منظم بس بحرفة شطانه
مثل العواصف تدخل عتمة عجاجه
***
فيها الحسد والحقد وحسد المكانه
مكانة (ن) تدفع ثمنها مواجه
***
تواجه عداوات يتفاعل كيانه
وتلاقي ازمات (ن) كليف إنفراجه
***
تظهر لك الايام ذروة جنانه
أمور(ن) تنافر مايصير اندماجه
***
كل المنافذ في خطر وبطمانه
ألدرب شائك لو وساع(ن) فجاجه
***